Waat leeft?

De weltwäit eemolegen a weltbeschten

Jonn Happi

presentéiert

de weltbeschten a weltwäit eemolegen 

CIRCÜS TONNARELLI

Berdorf: 17, 18, 19, 20 & 21 Mee 2023

Kautebaach: 2, 3, 4 Juni 2023

Fuussekaul: 16, 17 & 18 Juni 2023

 

TICKETS

 

De Serge Tonnar a seng Band associéiere sech mat der Konschtfigur Jonn Happi fir e weltwäit eemolegen a weltbeschte Spektakel op d'Been ze setzen, mat deem si 2023 op Tournée ginn. 11 Optrëtter op 3 Plazen am Land. Mam Zirkuszelt geet et op de Camping, de Publikum kann esou och nom oder virum Optrëtt d'Nuecht um Camping verbréngen, Kultur & Vakanz doheem, ganz nohalteg an d'Police huet och manner ze dinn.

Am Mëttelpunkt vum Programm stinn déi weltbescht a weltwäit eemoleg Lidder vum Serge a senger Band. Et wär also eppes wéi e gemittleche Concert an engem flotte Kader, wann do net de Meeschter vum Haus (oder vum Zelt) wär, den Zirkusdirekter, de Showmaster, den MC, de weltwäit eemolegen a weltbeschten Jonn Happi. Wëll hien de Museker d'Show klauen? Oder sinn et d'Museker, déi hien an de Schied setze wëllen? Et entsteet e Spannungsfeld tëscht de Kënschtler an den Disziplinnen: Musek, Kaméidi, Jonglerie, Slapstick, Zirkuskonscht, Cabaret… De Publikum gëtt, ob e wëll oder net, mat eragezunn a muss selwer entscheeden, ob et fir ze laachen, oder fir ze kräischen ass.

 

Marc Strasser: Jonn Happi

 

Serge Tonnar: Gittar a Gesang

Rom Christnach: Bass

Eric FalcheroPiano

Dirk Kellen: Batterie

 

Kostümer: Sophie Meyer

Visual: Antoine Grimée

Layout: Fabi

Billeterie: Mirka Costanzi, Sabine Tonnar

 

Eng Produktioun vun Maach keen Zirkus asbl

An Zesummenaarbecht mat MASKéNADA

 

 

Mat der Ënnerstëtzung vum Kulturministère Lëtzebuerg

 

 

 

D'Aschreiwungen sin op.